இளமைக் காதல்

ஒரு சிறுகதை படித்தேன்
என்று
புத்தகத்தை அணைத்துக் கொண்டு
என்னிடம் நீ
கதை சொல்லும் போதெல்லாம்
உன்
இமைகளின் படபடப்பில்,
விரியும் புருவத்தின் பரபரப்பில்,
அசையும் உதடுகளின் அழகிய நாட்டியத்தில்
ஆயிரம் ஹைக்கூக்கள் படித்துவிட்டு,
நல்லாயிருக்கா
என்று நீ கேட்கும் போதெல்லாம்
மிகவும் அருமை என்றிருக்கிறேன்
சிறுகதையின் ஒரு வரிகூட கேட்காமல்….

Advertisements

பின்னூட்டங்கள் மூடப்பட்டுள்ளது.

WordPress.com.

Up ↑

%d bloggers like this: